鹽酸草

我的花園內底無驕艷的玫瑰，無雅氣的蓮花池。一支草kâm一點毋甘，日頭炤著，閃閃爍爍。我的大海頂頭無高貴的郵輪，無五彩的光影。一粒螺仔kâm一屑仔疼惜，海風吹來，有神仙的氣味。《鹽酸草》是詩人王羅蜜多頭一本臺語詩集，詩冊裡有85首散文詩佮40首分行詩。作品多數位報紙、詩刊、面冊抾倒出來，另外有一寡得過獎的詩。用母語思考，行過土生土長的記持，每一支草每一粒螺仔，攏有伊的意味。有時無張持ànn落去，嘛會抾著一首詩。